安心事件發生至今接近兩個禮拜，許志安宣布要搵番失去咗嘅靈魂，暫別娛樂圈。另一邊廂，因安心偷食事件令形象節節下跌而連累家姐黃心美、哥哥蔡一智、男星張振朗等一眾拍擋並引來過氣港男幫忙護航嘅黃心穎，日前被傳媒影到佢避走香港，由港澳碼頭搭船到澳門轉飛祖國菲律賓再飛到美國隱世。
兩位主角避世，今日 Sammi 再出 post，相信係終極回應，因為佢宣布：「不會再談論此事，不回望，向前看。」
Sammi 貼出近照，精神唔錯，佢留言借景抒情，見到日前香港橫風橫雨，今日藍天空終於出現：「天空似鬆了一口氣，我相信藍天會回來。」Sammi 話將餘下交給時間，因為在時間面前，人人平等，跟住落嚟會如常生活，包括準備演唱會，拾回運動，相信事件發生之後，平時好鍾意跑步嘅 Sammi 都無乜點跑過。
除咗跑步，平時 Sammi 都好鍾意喺 ig 洗版，同大家分享生活大小事，今日 Sammi 都連出咗兩個 post，隨住安心事件告一段落，希望「洗版 mi」快啲番嚟，同大家 update 吓演唱會彩排情況，唔知會唱咩歌呢！
Search